Activitat pedagogica a l'entorn del cortmetratge Alike
Revisatz e melhoratz l'escritura qu'avètz producha.
Utilizar lo dessenh dins tota sa diversitat coma mejan d'expression.
Alike © D. M. Lara & R. C. Mendez
TítolAlike
TèmaConformitat
Genre e mots clausNarracion, uniformitat, relacion parentala, escòla, trabalh, nòrma sociala
Cicle (pel filme)6-11 ans
Durada08 min 01 s
RealizacionD. M. Lara & R. C. Mendez
MusicaOscar Araujo
ProduccionD. M. Lara & R. C. Mendez (Espagne, 2016)
Experimentatz amb las tensions entre l'invencion grafica e lo còde lingüistic.
Dins lo filme, la reflexion sus las libertats de dessenh que l'enfant pren amb l'alfabet motiva finalament lo cambiament de perspectiva del paire. Aquò es pas estonant: dins l’escrich, la tension entre l’expression personala e lo respècte de la nòrma lingüistica es particularament visibla.
Tre los 6 ans, l'enfant apren a mestrejar aquel còdi (en legibilitat, en velocitat). Lo desfís es d'exprimir vòstras pensadas tot en permetent lor transmission. Es tanben lo moment ont es relativament atentiu a las desviacions dins lo còde, dins sa produccion, aquela dels autres, dins los sistèmas grafics de son environament. Es alara possible de començar a trabalhar suls “alfabets personals”.
Implica d'imaginar un dessenh original per las letras de l'alfabet, de produire una frasa o un títol amb aquel alfabet, de discutir, de corregir, de melhorar lo resultat tant en legibilitat (comprene l'utilitat de l'estandard) coma en expressivitat.
L'observacion prealabla del trabalh dels tipografs o dessenhaires grafics pòt ajudar a formular l'exercici e donar d'idèas. Impausar un tèma simple (“instruments de musica”, “animals”) o un procès (dessenh, talh, objèctes) es preferible.
Aqueste trabalh pòt resultar en un projècte per tota la classa (cada escolans es responsable d'una letra, per exemple) o tant d'alfabets que i a d'escolans. Dins aquel darrièr cas, serà una question de cadun d'explicar e de defendre sa vision.
Ficha d'activitats escricha per: Bruno Pellier
