Dessenhar un diagrama de la cadena alimentària

Fòrça diagramas explicatius sus la cadena alimentària son sus Internet. Suggerir als escolans, individualament o en pichons grops, far una recèrca sus Internet e causir lo diagrama que pensan qu'es lo mai aisit de comprene. Los escolans explicaràn perqué, per eles, aquel o aquel diagrama es aisit o malaisit de comprene.

Aquesta recerca (e analisi) dels diagramas existents sus Internet aurà per tòca de provesir una compreneson clara de las tres categorias d'èssers vius qu'interagisson dins una cadena alimentària:

• Productors (fòrça sovent de plantas).
• Consomators (erbivòrs e carnivòrs).
• Descompausants (bactèrias e fongs). Los consomators se noirisson de productors que se noirisson d'elements minerals transformats per de descompausants a partir de la matèria organica dels consomators e dels productors mòrts (animals mòrts o plantas).

Los escolans imaginaràn alara lors pròpris diagramas de cadena alimentària. Una cadena alimentària pòt èsser mai longa o mai corta e los escolans causiràn lo nombre de ligams dins lor cadena. Causiràn tant d'èssers vivents que voldràn mas oblidaràn pas de mostrar las tres categorias (productors, consomators e descompausants).

Lo professor validarà las cadenas en forma de tèxte abans de prepausar la fasa de dessenh. Los escolans causiràn de dessenhar lor cadena en forma de piramida o amb de sagetas. Los dessenhs seràn afichats dins la classa e los escolans presentaràn lor trabalh, en explicant lors causidas als autres escolans.