Talhièrs d'animacion : fonotròp

Aquela activitat passionanta pels enfants demanda d'equipament especial e demòra un pauc malaisida de montar; lo professor testarà el meteis aquela tecnica abans de l'ofrir en classa.

1- Materiau entà aguesta activitat

• Un lector de disques de vinil.
• Un disc de vinil.
• Fuèlhas de papièr.
• Lapis de colors o plumas de colorar.
• Una camèra numerica e un tripòde.
• Un projector vidèo. Aquesta tecnica d'animacion fonciona pas sens una camèra; L'illusion optica es lo resultat de l'acoblament entre la velocitat d'obturacion de la camèra e la velocitat de rotacion del disc. Una autra tecnica seriá de crear las interrupcions visualas en utilizant los flashes d'un estroboscopic.

2- Preparacion deth supòrt

• Copatz un fuèlh de papièr en cercle (lo meteis diamètre que lo disc de vinil).
• Separatz lo disc de papièr en 20 partidas. Aquela preparacion se pòt far amb los enfants. Per aquò far, abans de pegar lo fuèlh de papièr sul disc de vinil, separatz lo disc de papièr en 4 quarts en traçant los dos primièrs diamètres. Cada quart deu alara èsser separat en 5 partidas. Podètz tanben telecargar e imprimir un modèl de separacion de disc en 20 partidas.
• Pegatz lo fuèlh de papièr al disc de vinil.

3- Dibuish e animacion

• Imaginatz un movement que se pòt repetir sens fin (una bola rebombant, picar de mans, etc.). Per una primièra animacion, causissètz de formas geometricas simplas coma un triangle, un carrat... Descobrissètz d'exemples de creacions pels enfants...
• Dessenhatz cada estapa per òrdre sus caduna de las 20 partidas del disc de papièr.

4- Visualizacion

• Plaçatz la camèra numerica verticalament al dessús del disc.
• Fasètz virar lo disc sul lector de discs e alucatz la camèra. Los paramètres de la camèra en foncion de la velocitat de rotacion del disc seràn estats testats abans.
• Agachatz l'animacion a travèrs l'uèlh de la camèra connectat al projector vidèo.
• Comparatz l'animacion projectada amb l'animacion sul disc meteis per comprene qu'aquela illusion fonciona pas en agachant dirèctament lo disc mas sonque mercés a l'adequacion

entre los paramètres de la camèra e la velocitat de rotacion del disc.

L'animacion fonotròpa coma aquela del cortmetratge demòra malaisida de metre en plaça. Una autra tecnica, mai simpla mas tan passionanta, pòt èsser adoptada: lo fenaquistiscòpi. Lo fenaquistiscòpi (1832) demanda pas ni un tocadisc ni una camèra, simplament un disc de carton.

Imprimir los materials per aquesta activitat...