Activitat pedagogica a l'entorn del cortmetratge Googuri Googuri
Participar a de discussions dins de situacions divèrsas.
Produire l'escritura en començant a s'apropriar un apròchi.
Acceptatz las diferéncias.
Googuri Googuri © Tokyo University of the Arts
TítolGooguri Googuri
TèmaRelacion familiala
Genre e mots clausContemplatiu, experimental, abstraccion, amor, amistat, avi, ainada
Cicle (pel filme)3-11 ans
Durada08 min 23 s
RealizacionYoshiko Misumi
MusicaNatsuko Yokoyama
ProduccionTokyo University of the Arts (Japon, 2010)
Discutir de la plaça de las personas mai ancianas dins la familha.
La situacion del pepin que viu jol meteis tet que sa filha ainada nos sembla un pauc anacronica (es un pauc mens aital dins lo contèxte del Japon, d’ont ven lo filme). Aquò's una escasença de questionar la plaça que donam als ancians dins nòstra societat.
Dins la majoritat dels cases, la relacion entre los enfants e lors grands se debana dins un encastre plan establit e sovent mediada per la preséncia dels parents (reünions de familha pendent las vacanças, suenhs per remplaçar los parents, etc.). Nos centrarem puslèu sus de moments al bòrd d'aquelas situacions, de moments ont l'enfant foguèt capable d'aver una relacion dirècta e intima amb son ancessor.
Los enfants son convidats a escriure sus un moment fòrça especial passat solets amb un de lors grands-parents. L'exemple del filme pòt donar d'orientacion. Es que volguen poiràn liéger eth sòn conde e, en tot respóner as preguntes deth professor e des sòns companhs, explicar coma aguest moment siguec diferent. Aviá a veire amb l'emplaçament? a l'escasença? a l'emocion? a de mots? als gèstes? a la relacion implicada?
Dins la classa i pòt aver d'experiéncias fòrça diferentas. Lo professor utilizarà aquelas diferéncias per far discutir los enfants de lor percepcion d'abituds particularas de las relacions amb de personas mai ancianas.
Poiriá alara èsser interessant de perlongar l’exercici en daissant l’environament familial. En quinas autras escasenças los enfants an agut aquel meteis tipe de relacion amb de personas mai ancianas que fan pas partida de la familha?
Ficha d'activitats escricha per: Bruno Pellier
