Activitat pedagogica a l'entorn del cortmetratge Grandma’s Hero
Descriure e comparar los elements sonòrs. Identificar e nomenar las similituds e las diferéncias dins dos extraches. Identificar e nomenar una organizacion simpla dins un extrach musical.
Grandma’s Hero © The Animation Workshop
TítolGrandma’s Hero
TèmaRelacion familiala
Genre e mots clausComic, dragon, eròi, escòla d'eròis, grand-maire, proteccion
Cicle (pel filme)6-11 ans
Durada07 min 17 s
RealizacionC. Monnier & B. Ozert
MusicaM.Winum & J. Petersen
ProduccionThe Animation Workshop (Danemark, 2016)
Escotar e analisar la musica de cinèma.
Aqueste filme d'animacion es digne d'un long metratge. Los imatges son fòrça polits e la musica remembra la musica de cinèma. Seriá una vergonha de los pas utilizar!
Per començar, podèm far escotar un extrach als escolans, sens mostrar los imatges, e lor demandar lors impressions. A vòstre vejaire, en foncion de la musica, qué podèm veire dins la vidèo? De qué poiriá èsser aquel filme? Escrivètz çò que dison al tablèu. Puèi mostrar lo meteis extrach amb los imatges. Tornatz lor demandar lors impressions e las anotatz. Podèm alara causir un autre extrach; aqueste còp, mostram la vidèo sens son, puèi fasèm una segonda visualizacion amb son. Quina es la diferéncia? Qué pòrta la musica? Divèrses extraches se prestan a aquel trabalh, per exemple: lo començament fins a 29 s, de 2 min 32 s a 2 min 56 s, de 4 min 25 s a 4 min 47 s, de 6 min 10 s a 6 min 37 s e los crèdits finals.
Afinarem alara l analisi en demandant als mainatges de reconéisser los instruments, de descriure la musica, l intensitat, lo ritme (rapid o lent), l efièch cercat e produch. Podèm comparar dos extraches, reconeissèm una melodia similara dins d'extraches diferents? Dins l'extrach de 6 min 10 s a 6 min 37 s e los crèdits finals reconeissèm de ritmes africans.
Après aver analisat aqueles extraches, e aver amassat las ipotèsis dels mainatges suls tèmas del cortmetratge, poirem veire lo filme dins son entièr. Podèm alara confirmar o refutar las ipotèsis dels enfants. Aquel trabalh poiriá èsser lo començament d'una sequéncia mai granda sus la musica cinematografica. Vaquí un exemple d'una sequéncia en tres sesilhas sus lo sit web Edumoov. E una sequéncia fòrça completa a Banc de l'Escòla. Çò que pòt tanben èsser interessant dins la musica cinematografica es de cercar amb los enfants de melodias que representan de personatges. La melodia tòrna cada còp que lo(s) personatge(s) apareisson.
Ficha d'activitats escricha per: Valérie du blog Val 10. Descobrissètz lo blòg Val 10...