Activitat pedagogica a l'entorn del cortmetratge I think I love you
Implementar un procès de produccion de tèxte.
Identificar las caracteristicas especificas a diferents genres de tèxtes: dialòg.
I think I love you © Xiya Lan
TítolI think I love you
TèmaAmistat
Genre e mots clausComèdia, rescontre, amor, relacions umanas, sentiments, nòtas musicalas,
Cicle (pel filme)3-11 ans
Durada06 min 52 s
RealizacionXiya Lan
MusicaKaren Tanaka
ProduccionCalarts (États-Unis, 2017)
Escrivètz los dialògs entre los personatges.
Aqueste cortmetratge es fòrça original. Vesèm de personatges pichons que se desplaçan cap a un personal musical. Descobrissèm a la fin de la vidèo que son lo fruch de l’imaginacion del compositor qu’es en cors de compausar sa musica e d’escriure sa cançon. Se supausa que lo títol de la vidèo "I think I love you" es tanben lo títol de la cançon qu'escriu. D'efièch, l'amor es lo tèma de sa cançon. Parla dels diferents biaisses d'aimar (amor mairala, amistat, amor dins un coble)... e de las emocions que podèm sentir dins l'amor (bonur, tristesa, colèra...).
Aquesta vidèo es tanben complèxa pels enfants de comprene. Caldrà trabalhar sul sens, planificar divèrsas visualizacions, una estapa preliminara abans de passar a l’escritura dels dialògs. A la 34ena segonda, per exemple, vesèm de parents que repròchan lor enfant; puèi lo vesèm grandir, çò que vòl dire que nos retrobam qualques annadas mai tard quand es adolescent, sos parents an vielhit, e aquí es el que s'enrabia amb sos parents! A 3 minutas 18 segondas, vesèm un coble que passa visiblament per una crisi. L'òme la rebuta, puèi la repren, puèi la rebuta... La femna acaba per partir e formar una relacion amb un autre. Levat qu'ela a son torn lo rebuta quand càmbia d'aparéncia (sembla qu'a ganhat de pes!). A 4 minutas 22 segondas, vesèm un pichon coble que s'aiman tant que se "bevon" los mots de l'autre, puèi se discutan... e se reconcilian!
Autre prerequisit : Trabalh sul dialòg. S'aquò es pas estat fach abans, es important d'analisar un dialòg en lectura, d'identificar e de comprene los signes de ponctuacion dins lo dialòg, los tirets, las virgulas, etc.
Puèi lor prepausarem de trabalh oral. Mostrar-los una imatge del filme (gelant l'imatge). Demandatz-los de descriure çò que veson e d'imaginar los dialògs entre los personatges. Repetir l'exercici un o dos còps fins que los enfants comprengan las instruccions.
Passatz fin finala a l'escritura. Ofrissètz divèrsas imatges als enfants. Çai-jos deuràn escriure los dialògs entre los personatges.
Imprimir los materials per aquesta activitat...
Cadun poirà alara presentar son trabalh. Podèm comparar los diferents dialògs escrichs per la meteissa imatge.
Ficha d'activitats escricha per: Valérie du blog Val 10. Descobrissètz lo blòg Val 10...
