Activitat pedagogica a l'entorn del cortmetratge Issa
Practicar diferentas formas de lectura. Legir a votz nauta.
Issa © Lunohod
TítolIssa
TèmaAnimals, Poesia
Genre e mots clausContemplatiu, poesia, poèta, haiku, Japon, Kobayashi Issa, tè, gat, animals, cerièr, sakura, flors
Cicle (pel filme)3-11 ans
Durada04 min 43 s
RealizacionLīga Skirmane
MusicaSaeki Masahiro
ProduccionLunohod (Lettonie, 2014)
Comprene l'estructura poètica dels haikus japoneses. Prepausar de responsas inventivas dins un projècte collectiu.
Aqueste filme contemplatiu sus una passejada de Kobayashi Issa, famós poèta haiku japonés (1763-1828) es una escasença de far conéisser als escolans la forma poetica fòrça particulara dels haikus japoneses. “Issa”, qu’es tanben lo títol del filme, vòl dire “una (tassa de) tè”.
Lo realizator s'inspirèt del trabalh de Kobayashi Issa per imaginar aquela caminada e una activitat poiriá èsser de trobar los haikus que poirián aver influenciat las causidas del realizator.
Listar çò que Kobayashi Issa rescontra pendent sa caminada. Especificatz, abans de veire, que totas las scènas del filme son de subjèctes sovent utilizats dins los haikus.
Los haiku son de poèmas corts que lors tèmas son sovent la natura, las sasons, o quitament lo moment actual, las emocions. Son totjorn compausadas de tres linhas: 1 linha de 5 sillabas, 1 linha de 7 sillabas e 1 linha de 5 sillabas.
Per exemple, un dels haikus mai celèbres de Bashō Matsuo es donat en japonés: Furu ike ya (5 sillabas)
Kaeru tobikomu (7 sillabas)
Mizu no oto (5 sillabas)
Et en français : «Un vieil étang
Una granhòta plonjada
E lo bruch de l'aiga »
Bashō Matsuo (1644-1694), Kobayashi Issa (1763-1828), Buson Yosa (1716-1783) e Masaoka Shiki (1867-1902) son los 4 mèstres classics del haiku.
Perqué pas convidar los escolans, jos la forma de jòc, a associar de scènas del filme e de haikus famoses, puèi en segond luòc, a inventar lors pròpris haikus basats sus d'imatges del filme.
Ficha d'activitats escricha per: Christophe Defaye
