Activitat pedagogica a l'entorn del cortmetratge L'herbe verte
Participatz a las discussions de manièra constructiva, situatz vòstras remarcas en relacion amb los autres, provesissètz d'arguments, mobilizatz la coneissença, respectatz las règlas de comunicacion abitualas.
L'herbe verte © Jean Michel Trauscht
TítolL'herbe verte
TèmaAnimals, Libertat
Genre e mots clausComic, vaca, animals, prat, barralha, fugida
Cicle (pel filme)3-9 ans
Durada02 min 24 s
RealizacionJean Michel Trauscht
MusicaAlban Lelièvre
ProduccionJean Michel Trauscht (France, 2010)
Debats filosofics.
Dins lo cortmetratge, las vacas an una escasença de sòmi: escapar de lor encencha. Per paur de l’inconegut, pasmens, refusaràn de s’escapar. L'escasença de debatre la nocion de libertat mas tanben las preconcepcions que de còps frenan nòstra curiositat e nos empachan de superar nòstras aprenesons.
Perqué las autras vacas an paur e refusan de sortir de lor recinte?
Perqué pas presentar L'allegoria de la cauna de Platon del libre VII de La Republica (a l'entorn de 400 AbC), un dels tèxtes mai coneguts de la filosofia occidentala? Aquela allegoria se pòt explicar simplament sens abordar totes los concèptes filosofics e pòt venir un vertadièr subjècte de debat pels escolans (de 6-9 ans) que seràn encantats d'abordar un concèpte que los "grands" estudian.
Dins una cauna, d'òmes encadenats an viscut dempuèi lor enfança que veson pas que davant eles las ombras d'estatuetas d'òmes e d'animals projectadas sus las parets. (mostrar lo diagrama de la cauna per comprene la situacion). Per aqueles òmes, las ombras d’objèctes sus la paret de la cauna son doncas sonque lo sol mond real e se un d’eles sortiriá de la cauna, esbleugit pel solelh, prefeririá de segur tornar dins sa cauna natala, lo sol mond que coneis. Se, pasmens, aquel òme èra forçat de demorar defòra, fin finala s'i acostumariá e prefeririá la lutz del solelh a l'escur de sa cauna.
Acostumat a la lutz, que se passariá se davalava alara dins sa cauna?
“Sos uèlhs serián pas avegats per l'escur quand sortiriá subte de la plena lutz del solelh? [...] Los òmes de las caunas ririán pas a sos despensas e dirián pas qu'en avent montat ailà tornèt amb sa vista arroïnada, alara val quitament pas la pena d'ensajar de montar ailà ? »
A la seguida de la presentacion de l’allegoria, comparatz amb las vacas dins lo cortmetratge puèi prepausatz un debat basat sus l’experiéncia personala dels escolans.
Ficha d'activitats escricha per: Christophe Defaye
