Activitat pedagogica a l'entorn del cortmetratge Leitmotif
Descriure e comparar los elements sonòrs. Escotar las òbras del patrimòni.
Identificar e nomenar las diferéncias e similituds entre dos extraches
Leitmotif © The Animation Workshop
TítolLeitmotif
TèmaAnimals, Memòria, Musica
Genre e mots clausComèdia, jazz, nostalgia, instrument de musica
Cicle (pel filme)6-11 ans
Durada07 min 06 s
RealizacionJ. Nørgaard & M. Thorhauge & M. Jørgensen & M. I. Holmriis
MusicaJ. Baumgartner & T. R. Christensen
ProduccionThe Animation Workshop (Danemark, 2009)
Escota musicala. Descobrissètz las especificitats del jazz.
Après una primièra visualizacion, demandatz als escolans de nomenar los instruments qu’an reconegut, vist, ausit… Coneisson aquel estil de musica ? Se cal, agachatz la vidèo un segond còp per completar amb eles per fin de far la lista completa dels instruments : piano, trompeta, saxofòn, contrabassa, batariá. Podèm particularament soslinhar la darrièra partida qu’es fòrça interessanta perque presenta los instruments un per un, puèi l’orquèstra de jazz dins son ensemble. Podèm alara discutir de las familhas dels instruments : còrdas, instruments de vent (laton e vent de fusta) e percussions.
Après aquela etapa, serà interessant de far escotar als mainatges d'autras pèças de jazz, e de los far comparar : reconeissença dels instruments, estil de musica (çò que balha enveja de dançar)... Per aquò podèm far escotar los escolans d'òbras emblematicas coma Louis Armstrong, Miles Davis, Charlie Parker, Duke Ellington, Claude Nougaro...
Podèm notadament comparar "Go down moses" cantat per Armstrong e “Armstrong” de Claude Nougaro que rend omenatge a aquel darrièr amb una cobèrta. Reconeissèm la melodia, certans instruments, d'autres instruments mai modèrnes (synth), e las paraulas son diferentas. Descobrissètz un fichièr plan complet sul blòg d'Azraelle...
Après aquelas diferentas escotas, poirem melhor definir çò qu’es lo jazz: un genre musical creat pels negres americans als Estats Units al començament del sègle XX. Es una musica de crosament que dona ampla plaça a l'improvisacion. Podèm demandar als enfants mai grands de far de recèrcas a l'ostal e de la partejar en classa. Jazz sus Wikipèdia...
Ficha d'activitats escricha per: Valérie du blog Val 10. Descobrissètz lo blòg Val 10...
