Transformar lo mond

D'en primièr, los escolans agacharàn lo filme entièr e s'exprimiràn liurament sul contengut. A la segonda visualizacion, lor demandarem de se concentrar sus la particularitat del personatge principal: que fa ela? Los escolans pòdon veire lo costat magic, poetic de l'òbra del personatge principal: çò que dessenha ven realitat; son crayon es magic.

L'artista transforma çò que l'entorna en apondent de personatges via son quasèrn de nòtas. Transforma quitament l'univèrs entièr per cambiar d'èras o se transportar dins de sovenirs, per s'escapar.

Presentatz l'òbra d'un artista bèlga qu'utiliza lo meteis procès: Ben Heine. Projectar lo diaporama disponible sus lo sit web validat. Demandatz als escolans d'intervenir en utilizant lo meteis procès grafic. Segon lo temps disponible e lo nivèl dels escolans, podèm ofrir una fotocòpia “escafada” d’una òbra de l’artista sus la quala los escolans completaràn la partida blanca amb un crayon a l’estil de Ben Heine o lor podèm ofrir l’escasença de prene una fòto dins lor environament, de ne seleccionar una per recèrca sus internet e puèi de l’imprimir. Sus un tròç de papièr blanc esquinçat que superpausan sus la fòto, apondon e transforman d'elements al fons existent. Fin finala, podèm far una fòto d'aquel element tengut al dessús del fons per lo seguir e obténer un trabalh a l'estil de Ben Hein e de son projècte "Camera Vs Pencil".