Devèm censurar l'art?

L'escasença de far pensar la classa a la nocion de censura, particularament dins lo cas de las òbras d'art.

• Qu es la censura? Los escolans ensajaràn de definir lo mot "censura" abans de lo cercar dins lo diccionari. Lo diccionari de Larousse prepausa la definicion seguenta: “Examen prealable realizat per l’autoritat competenta sus las publicacions, las emissions e los espectacles destinats al public e que resulta en autorizar o enebir lor distribucion totala o parciala.”L’accion de “censurar” correspond doncas a enebir quicòm.Los escolans seràn capables de suggerir d’autres sinòmes per lo vèrbe, coma enebir, proïbir. desaprovar, condenar, criticar...
• Podèm e devèm censurar l'art? Los escolans seràn encoratjats a debatre sul subjècte sens cercar una bona responsa mas en organizant lors pensadas e comentaris. Podèm tanben precisar que la nuditat a pres diferentas formas segon los periòdes artistics e que la monja censura los genitals de las òbras d'art. Dins la religion catolica, coma dins fòrça religions mondialas, los principis ascètics impausan de tabós dins l'airal del sèxe e la monja pòt pas suportar de mostrar los genitals al musèu... Lo professor verificarà que los escolans an comprés l'umor del filme e qu'en realitat la religion catolica censura pas las representacions de la nuditat. Los realizators del filme presentèron simplament un personatge de monja caricaturat per de fins comicas.

L'escultura a la fin del filme es lo David de Miquèl Angèl (1502), un cap d'òbra de la Renaissença expausat a la Galleria dell'Accademia a Florença. De notar que los realizators del filme reprodusiguèron lo decòr real del musèu darrièr l'escultura. Los escolans poiràn s'amusar en verificant en utilizant lo motor de recèrca web de la Galleria dell'Accademia en Florença que David es pas censurat!

• Es vertadièrament una censura d'enebir certans filmes e jòcs als enfants? Perqué aquela interdiccion foguèt mesa en plaça? Los escolans pensaràn al ròtle de CSA e las classificacions PEGI. Podèm prepausar un trabalh de lectura a l'entorn de las siglas utilizadas.