Activitat pedagogica a l'entorn del cortmetratge Perfect Houseguest
9-11 ans: Representatz lo mond a l'entorn o donatz forma a vòstra imaginacion en explorant la diversitat dels airals. Causissètz, organizatz e utilizatz de gèstes, d'aisinas e de materials segon los efièches que produson.
6-9 ans: Crear de produccions de plastic. Prepausar de responsas inventivas dins un projècte individual o collectiu.
Perfect Houseguest © Tiny Inventions
TítolPerfect Houseguest
TèmaAnimals
Genre e mots clausMeravilhós, caminada, mirga, emmagazinatge.
Cicle (pel filme)3-11 ans
Durada01 min 34 s
RealizacionM. Porter & R. Kuwahata
MusicaBram Meindersma
ProduccionTiny Inventions (États-Unis, 2015)
Analisar ua tecnica artistica e reprodusir-la en ua produccion personau e/o collectiva.
Aqueste cortmetratge nos permet de seguir una mirga que neteja e ordena l'ostal. Conten dos elements de naturas diferentas que se mesclan: d'imatges de la realitat (filmatge real amb una camèra), e de dessenhs que venon de l'imaginacion de l'autor. Pòt servir de punt de partença per una sequéncia d'arts visualas. Après una primièra visualizacion, demandatz als enfants de descriure los elements que se tròban dins lo cortmetratge. A travèrs un jòc de question/responsa, los far prene consciéncia del fach que lo cortmetratge es compausat d'una mescla d'imatges de la realitat e de dessenhs imaginats pel creator. Aqueste vidèo es un filme o un dessenh animat? Quina es la diferéncia? Tornatz jogar la vidèo e pausar l'imatge, demandar als escolans de descriure çò que veson : imatge fotografic pres amb una camèra o un dessenh?
Après aquela analisi, se pòt demandar als escolans de crear una produccion de plastic mesclant d'imatges fotografics e de dessenhs. Cadun deurà definir un tèma. Ofrissètz-los de revistas que ne talharàn d'imatges e los pegaràn sus un supòrt. Auràn de completar amb de dessenhs. Cadun d’eles poirà alara presentar son trabalh a la classa, e serà interessant de comparar las produccions.
Ficha d'activitats escricha per: Valérie du blog Val 10. Descobrissètz lo blòg Val 10...
