Activitat pedagogica a l'entorn del cortmetratge Rain and Fish
Metre en plaça un projècte artistic. Cooperar dins un projècte artistic.
Trobatz vòstre camin dins las estapas de la creacion d'un trabalh collectiu.
Rain and Fish © Risa Kimpara / Tokyo University of the Arts
TítolRain and Fish
TèmaImaginacion
Genre e mots clausContemplatiu, pluèja, espera, peis, imaginari
Cicle (pel filme)3-11 ans
Durada04 min 47 s
RealizacionRisa Kimpara
MusicaYusaku Masuda
ProduccionTokyo University of the Arts (Japon, 2010)
Creatz un fresc per decorar la classa, lo corredor de l'escòla.
Dins aquel cortmetratge poetic, lo tèma de l'aiga es omnipresent: l'aiga de pluèja, l'aiga que los peisses i nadan. Aqueste tèma pòt èsser causit per una sequéncia d'arts visualas: se pòt demandar als escolans de crear un fresc que decorarà la classa o lo corredor de l'escòla. Aquel fresc deuriá representar lo fons de l'ocean o un aquarium gigant.
Per aquò far, nos caldrà organizar, causir amassa çò qu’anam dessenhar, las colors, los materials, per que lo resultat final siá armoniós. Los escolans passaràn de grop en grop e prendràn lo torn; vos caldrà prene en compte lo trabalh fach abans per d'autres e apondre vòstre toc personal.
Podèm metre una granda tièra de papièr de dessenh sus la paret per que los escolans i pòscan trabalhar dirèctament. Mas segon las tecnicas utilizadas pòt èsser sage de trabalhar plan o sul sòl e puèi de penjar a la paret. La primièra etapa serà de crear lo fons : convenir sus las colors utilizadas, aital coma la tecnica. O podètz, per exemple, far amb una esponja, amb de pintura diluida.
Puèi, lo decòr : las algas, las pèiras... e puèi los peisses. Aquestes elements pòdon èsser dessenhats dirèctament sul fresc, mas podèm considerar de los dessenhar sus de fuèlhas de dessenh e puèi de los pegar sul fresc après. Tot depend de l'organizacion causida e del resultat que volèm obténer.
Per menar a tèrme aquel trabalh podèm nos inspirar de pinturas d'Alain Thomas coma “peisses exotics” e “fons marin amb d’algas rojas”.
Ficha d'activitats escricha per: Valérie du blog Val 10. Descobrissètz lo blòg Val 10...
