Activitat pedagogica a l'entorn del cortmetratge Rain and Fish
Identificatz e exprimissètz vòstras emocions e sentiments en los regulant.
Capable d'escotar e d'empatizar.
Rain and Fish © Risa Kimpara / Tokyo University of the Arts
TítolRain and Fish
TèmaImaginacion
Genre e mots clausContemplatiu, pluèja, espera, peis, imaginari
Cicle (pel filme)3-11 ans
Durada04 min 47 s
RealizacionRisa Kimpara
MusicaYusaku Masuda
ProduccionTokyo University of the Arts (Japon, 2010)
Participar a un escambi orau sus un subjècte dolorós en tot respectar los autres e las règlas de comunicacion.
Aquesta vidèo nos mòstra un dròlle qu'espèra prèp d'un arrèst d'autobús. Del temps qu'espèra se pèrd dins sas pensadas. Comprenèm que se pensa coma un enfant perque vesèm lo personatge se reduire al començament de l'istòria. Sembla èsser una mescla de sovenirs e de sòmis. Lo vesèm amb sa maire. Sembla que la manca. Sembla nostalgic d'aqueste moment ont èra amb ela. Es absenta de sa vida, es son paire qu'esperava e que davala de l'autobús a la fin de la vidèo.
Aquel vidèo se pòt interpretar de diferents biaisses: los parents son separats o la maire es malauta o mòrta, en tot cas es absenta. Es doncas una escasença de tractar de subjèctes delicats en classa coma la separacion, la malautiá o la mòrt. La vidèo serà lo punt de partença de la sequéncia e un punt important de sosten. Esitetz pas a lo tornar agachar qualques còps, subretot certans passatges claus coma lo ont l'enfant se redusís, los moments amb sa maire, quand tròba son paire a la fin.
Après aver deschifrat la vidèo, la discussion pòt avançar progressivament cap al subjècte causit. Qualques escolans poirián èsser estats confrontats a la mòrt d’un animal, d’un èsser aimat… Aquò serà lo moment de los daissar s’exprimir se o vòlon, de partejar lors emocions, de discutir d’aquel tèma penós tot en s’ocupar de s’escotar los escolans amb respècte.
Ficha d'activitats escricha per: Valérie du blog Val 10. Descobrissètz lo blòg Val 10...
