Frustracion

Pòt començar per una analisi detalhada de las emocions mostradas pels dos personatges e una discussion sus las possiblas explicacions de lor discrepància (excitacion, decepcion, enveja, colèra, tristesa pel pichon, impassivitat e suspresa pel mai vièlh). Aquò pòt prene la forma de trabalh d'escritura per imaginar las pensadas dels personatges, alternant amb de moments de partatge e de discussion, per explorar plenament la simetria (en drech) dels dos punts de vista.

En segond luòc, nos centrarem sul contèxte del « conflicte » dins lo filme : las expectativas de la reünion familiala, lo ròtle del telefòn. Aquí encara, s'agís de cavar dins la situacion per imaginar las abituds o las règlas implicitas (la situacion seriá estada diferenta se la sòrre pichòta voliá pas que pausar una question? perqué interromp pas la telefonada de sa sòrre granda? etc.). Aquò's una escasença de far lo ligam amb un questionament pragmatic sus las règlas de polidesa, las ierarquias enfant/adults, las règlas per utilizar los objèctes, etc.

Après aquel desbarrassament, arriba lo moment de bastir de croquis corts amb dos personatges, en tornar utilizar las idèas discutidas. Los enfants formulan una mièja dotzena de situacions per jogar sens accessòris e sens mots. A aqueste estadi, l'ensenhaire pòt suggerir un revirament de ròtle: es l'enfant qu'es absorbit dins una tòca e l'adulte qu'ensaja de li comunicar quicòm. Los enfants trabalhan en parelhs, siá en escrivent d'avança siá, de preferéncia, per improvisacion. Puèi se presentan a la classa.

Per vos preparar a l'activitat, deuriatz ensajar de gardar a l'esperit la diferéncia entre l'interrogacion istorica/sociala e l'interrogacion etica/morala. L'exploracion de las situacions deuriá doncas s'arrestar abans las questions socialas, en particular lo ròtle de la frustracion coma tèma central de l'educacion. Lo debat sus aquel subjècte, qu'es una construccion istorica recenta, es pas vertadièrament pertinent aicí. Es subretot una question de far manipular los enfants de nocions coma lo vocabulari de las emocions, las logicas divergentas del comportament, l’escambi de ròtles, la simulacion d’un debat, etc...

Extension e referéncias

• Un autre cortmetratge de la plataforma: “Insatisfasent”.
• Per una vista generala de l'istòria de la nocion de frustracion, podèm consultar l'article de Johanna Stute-Cadiot: “Frustracion”, dins Figures de la psychoanalyse, vol. 18, n. 2, 2009, pp. 171-179 – visible en linha a CAIRN.