Activitat pedagogica a l'entorn del cortmetratge The Employment
Partejatz vòstras emocions, exprimissètz-vos davant los autres, discutitz.
The Employment © Santiago Bou & Patricio Plaza
TítolThe Employment
Genre e mots claussatira
Cicle (pel filme)9-11 ans
Durada7 min7 s
RealizacionSantiago Bou Grasso
MusicaSantiago Bou & Patricio Plaza
ProduccionOpusBou (Argentine, 2008)
De discussions oralas sul cortmetratge, far d'ipotèsis sus la finala, d'activitats oralas e escrichas sul tèma de l'esclavatge.
Aqueste cort metratge nos presenta un mond fòrça estranh e susprenent que los òmes son relegats al reng d'objèctes al servici dels autres. Seguissèm lo personatge principal que se desrevelha al començament del vidèo, e descobrissèm son mond pauc a cha pauc. Expleita d’individús que semblan èsser sos esclaus, servisson de taulas, de cadièras, de lampas, de porta-mantèls… Quand daissa son ostal, nos rendèm compte que lo mond es fach aital: los que profièchan dels autres e los que son redusits a aquela forma d’esclavatge. Aquel personatge sembla èsser un dels esclaus fins que lo vesèm, a la fin del filme, èsser utilizat coma un tapis de pòrta! Un filme sus l'espleitacion de l'òme per l'òme.
Agachatz lo filme e s'arrèstatz a 4:20. Demandatz als escolans lors impressions e çò qu'an comprés de l'istòria. Puèi convidatz-los a far d'ipotèsis sus la fin. Qué cresètz que se passa après? Aguesta activitat se pòt hèr oraument o per escrit. Partejatz d'idèas amassa e agachatz la fin. Tornatz amassar los comentaris dels escolans après aquela fin estonanta.
Demandatz-los alara lor opinion sul foncionament d’aquela societat e convidatz-los a justificar e argumentar: es aquò normal? Es just aquò? Aquel mond es agradiu? Cossí o podriam definir? Se l'idèa foguèt pas mencionada dins de discussions precedentas, fasètz-los traçar un parallèl amb l'esclavatge. Prenètz los diccionaris e demandatz als mainatges de cercar la definicion del mot “esclau”: persona qu’es pas liura e qu’es completament dependenta d’un autre. Aquò s'aplica a aqueste filme? Qué sabon sus l'esclavatge?
Aquesta sesilha poiriá èsser lo punt de partença per una sequéncia mai detalhada sul tèma de l'esclavatge basada sus de vidèos de France tv Éducation sus la nocion d'esclavatge e comèrci triangular.
Puèi far un pichon resumit amb los enfants per copiar dins lo quasèrn que servirà d'enregistrament escrich. D'èsser ligat al programa d'istòria suls empèris colonials.
Ficha d'activitats escricha per: Valérie du blog Val 10. Descobrissètz lo blòg Val 10...
