Comparatz dos personatges del filme

Agachatz la vidèo e s'arrèstatz a 2 minutas. Demandar als escolans de dire çò qu’an comprés, d’exprimir lors impressions e de partejar lors emocions e subretot de devinar la fin de l’istòria. Partejatz vòstras pensadas abans de veire la fin. Tornatz discutir amb los escolans après aver vist lo filme entièr. Seràn de segur suspreses!

Ofrissètz una segonda visualizacion en demandant als escolans de se concentrar sus la mirga. Puèi fasètz un bilanç amb eles: es pichòta e sembla adorabla al primièr agach, lo rainal crei que vòl jogar amb el mas el a tòrt. Es nociu pel pichòt rainard, li devora l'èime e pauc a cha pauc pèrd sas colors. A la fin, quand lo can la trapa per salvar lo rainal, la vesèm dins sa vertadièra lutz.

Suggerissètz una tresena visualizacion per se concentrar aqueste còp sul can. Fa paur, fa paur, trapa lo rainard a la debuta del film e pensam que lo vòl far mal. Nos rendèm compte a la fin qu'aquò's pas lo cas, lo voliá sortir de las embraçaduras de la mirga.

Comparatz los personatges oralament sus lor aparéncia fisica e lors intencions. Moral de l'istòria: cal pas far fisança a las aparéncias!

Per far aquel trabalh d’escritura, podèm provesir un tablèu als escolans per los ajudar. Los elements preses de la vidèo pòdon èsser amassats dins lo tablèu e pòdon servir de basa per escriure un retrach dels dos personatges.

Imprimir los materials per aquesta activitat...