Activitat pedagogica a l'entorn del cortmetratge The Sleepwalker
Representatz lo mond a l'entorn o donatz forma a vòstra imaginacion en explorant la diversitat dels camps (dessenh, pintura, collage, etc.)
The Sleepwalker © Bonobostudio
TítolThe Sleepwalker
TèmaAnimacion tradicional
Genre e mots clausExperimental,
Cicle (pel filme)6-11 ans
RealizacionTheodore Ushev
MusicaKottarashky
ProduccionUnité Centrale (Canada, 2015)
Creatz un diaporama amb las produccions plasticas dels enfants inspiradas del vidèo.
Un filme dificil d'interpretar perque l'autor ofrís sa pròpria interpretacion en imatge e en musica del poèma "Romanç Sonambulo" de Federico García Lorca (balada de sonor, 1928).
Mostrar la vidèo als escolans sens lor dire res. Amassar lors impressions e lor demandar de formular d'ipotèsis. De qué pensatz que parla aqueste dessenh animat? Puèi donatz lo títol del filme als escolans e reviratz-lo amb eles. Tornatz veire la vidèo e amassatz de novèlas ipotèsis. Puèi balhar las explicacions als escolans en lor parlant del poèma de Federico García Lorca. Legissètz-lo e fasètz los ligams amb la vidèo. Tornatz agachar lo filme e cercatz la gitana, los gardas, la luna...
Puèi demandatz als escolans d'imaginar cossí poirián dessenhar los sòmis d'un caminaire, s'inspirant de la vidèo e del poèma. Cadun poirà donar de libertat a son imaginacion e utilizar lo material de sa causida (dessenh, pintura, talh, collage, etc.). Se necessari, tornatz agachar la vidèo e prenètz nòta de las formas e colors per s'inspirar.
Un còp las produccions acabadas, ne prenètz de fòtos e puèi las metètz cap a cap dins un diaporama. Mostrar aqueste diaporama als escolans. Lo podèm alara metre en musica en causissent lo meteis que la vidèo, o en ne prenent un autre.
Organizar una sesilha de visualizacion amb d’autras classas o amb los parents per metre en evidéncia lo trabalh dels enfants.
Ficha d'activitats escricha per: Valérie du blog Val 10. Descobrissètz lo blòg Val 10...
