Imaginatz un dialòg

Al començament, ausissèm un revelh. La femna se lèva, càmbia de forma. Ausissèm una pòrta clafar, supausam qu'ela sortís de son ostal. La trobam dins un cafè. E puèi quicòm d’estranh se passa : una forma que sembla venir del cèl s’apròcha d’ela : es son doble ! Aquò's lo primièr rescontre entre la femna del present e la femna del passat. Se parlan entre eles mas que se dison entre eles? Semblavan fòrça relaxats. Se veson plusors còps; A un moment un d'eles sembla aver vielhit. Qué representa la femna de dos caps? Cadun pòt donar son interpretacion. Es coma se las doas femnas èran una, çò qu'es lo cas, mas amb dos caps, un pel present e un pel passat benlèu!? Qué i fa lo pichon insècte? E se tot aquò èra pas qu'un sòmi? Al començament del filme, se lèva del lièch, dobrís una pòrta, que barra a la fin del filme...

Puèi passatz a l'escritura. Ofrissètz divèrses imatges als mainatges (materiaus a estampar). Auràn d’escriure los dialògs entre los personatges dins las bombolhas. Pels escolans qu’escrivon fòrça e qu’an d’imaginacion, lo trabalh pòt èsser contunhat sus un fuèlh simple en utilizant de tirets. Cadun presentarà son trabalh a la classa. Podèm comparar las diferentas idèas e dialògs escrichs per la meteissa imatge.

Fin finala, demandatz als enfants d'escriure de dialògs novèls sus eles meteisses. Se podián parlar a eles meteisses dins lo passat, qué se dirián entre eles? E dins l'avenir? Per aquò far, pòdon emplenar lo document prepausat d’èsser estampat (dins los encastres metre una fòto o dessenhar lor retrach e escriure los dialògs dins las bombolhas) puèi los far escriure sus un fuèlh a despart se qualques escolans vòlon elaborar.

Imprimir los materials per aquesta activitat...