Activitat pedagogica a l'entorn del cortmetratge Un carré pour la Biodiversité
Practicar qualques moments d'un apròchi d'investigacion : questionament, observacion, experiéncia Conéisser las caracteristicas del mond vivent, sas interaccions, sa diversitat
Un carré pour la Biodiversité © CPIE du Périgord-Limousin
TítolUn carré pour la Biodiversité
TèmaEcologia
Genre e mots clausNarracion, biodiversitat, jardin, proteccion de la natura, flòra, espècias animalas
Cicle (pel filme)3-11 ans
Durada05 min 45 s
RealizacionMorgane Boullier
MusicaSébastien Dan
ProduccionCPIE du Périgord-Limousin (France, 2015)
Descobrissètz la riquesa de la flòra e de las espècias animalas.
Coma lo CPIE, crear un pichon ecosistèma amb los enfants en gardant una zòna d’èrba pendent tota una sason de creissença sens intervencion umana e descobrir la flòra e las espècias animalas qu’auràn desvolopat naturalament.
Comprenètz que cada planta o espècia animala a son importància e descobritz la beutat de la vida vidanta, las pichonas plantas que son sovent nomenadas d'èrbas e que crearàn elas meteissas un novèl biotòp propici a l'arribada d'espècias animalas.
Entreprene la construccion d'una parcèla de jardin dins o defòra de l'escòla. Perqué pas implicar los enfants tre los primièrs passes, en començant per la causida de l’emplaçament e puèi las autorizacions administrativas (escòla, mairie, etc.). Imaginatz amassa un panèu qu'informarà qu'aqueste espaci es l'objècte d'una experiéncia e que deu èsser preservat de tota intervencion umana.
Cada setmana, observatz e notatz l'evolucion de la parcèla de l'òrt, l'aparicion de novèlas espècias vegetalas o animalas. Comparatz amb l'espaci vesin que, e mai se identic al començament, finirà de segur fòrça diferent.
Preservar la biodiversitat demanda una melhora coneissença de la distribucion geografica de las espècias e las observacions dels enfants seràn preciosas! Aquela experiéncia serà una escasença per abordar de questions ecologicas e sensibilizar los enfants dels risques de l'intervencion umana.
Diferénciar entre las parpalhòlas divertirà particularament los enfants. Descobrissètz lo aisinas d'identificacion de papilhons creat per l'associacion Noè, que sa mission es de salvagardar la biodiversitat en França e internacionalament.
Mai d'informacions suls Centres Permanents d'Iniciativas Ambientalas...
Ficha d'activitats escricha per: Christophe Defaye
