Cloudy

Aiga dins totes sos estats. Un pauc de meteorologia amb d'enfants del cicle 1 de l'escòla primària? Un filme adorable per sosténer l'estudi dels fenomèns atmosferics coma los nívols e las precipitacions. Qu'es un nívol? Perqué plòu? Amb la calor del Solelh, m'evapori, monti dins l'atmosfèra puèi me condensi en pichonas gotetas. Tròp grand, me torni tombar sus Tèrra. Qual soi ieu? Los autors del cortmetratge vos convidan a cantar e a dançar en tot seguir las aventuras de nòstres eròis Nívols e Gotas de Pluèja. Los enfants, amb lo cap dins los nívols, se cansaràn pas jamai d'escotar la musica fòrça pegadiça del film. Un bon exemple de personificacion, una figura de paraula que consistís a atribuir de proprietats umanas a un animal o una causa inanimada. Perqué pas demandar als enfants de causir un objècte, un fenomèn natural o quitament un sentiment e puèi los personificar. « Lo mistral èra enrabiat e los esclats de sa votz fòrta me tenguèron desrevelhat fins al matin. » Alphonse Daudet , Lettres de mon moulin (1869) “L'avorriment, aranha silenciosa, filava sa tela dins las ombras. » Gustave Flaubert, Madame Bovary (1857)