In a Heartbeat

Una figura de paraula fòrça amusanta per abordar un tèma complèxe: l'omosexualitat a l'escòla. La personificacion de l'amor per un còr que pren el meteis la decision de declarar son amor exprimís perfièchament la confusion mas tanben l'aprension e la timiditat fàcia a nòstres sentiments vertadièrs. Un prince encantador per una drolleta? Las istòrias d'enfants contadas a l'ostal o dins la classa considèran rarament de possibilitats autras que l'eterosexualitat; lo filme pausa la question de l’edat a la quala un enfant pòt prene consciéncia de son omosexualitat e permet, sens necessàriament parlar de sexualitat, de diversificar los modèls ofèrts als escolans. Un convit a la tolerància e al respècte per far comprene que cada enfant es unic e qu’es sovent penós de comprene los sentiments pròpris e de s’acceptar al delà de l’agach dels autres. Parlar de l'omosexualitat a l'escòla primària Devèm parlar als enfants pichons de l'omosexualitat? Las opinions son devesidas e l’omofobia, de segur mai que lo racisme o lo sexisme, es un subjècte complèxe. Qualques escolans son victimas de secutament o an de questions sus l'orientacion sexuala e sèm de còps incapables de ne parlar; lo cinèma e los imatges animats permeton de còps d'evocar de messatges d'un biais indirècte e divertit e de far prene consciéncia als publics joves de subjèctes que son malaisits de discutir en classa amb los escolans. Descobrissètz lo videoclip del grop de musica islandés Sigur Rós sus la dificultat pels parents d'acceptar l'omosexualitat de lors enfants: Viðrar vel til loftárása.