Lignes de vie

Dins un estil rafinat, una linha puèi doas puèi tres ondulan e dessenhan de formas abstrachas evocativas de la vida, de l'electrocardiografia, del còr, de l'ADN, del còrd umbilical. L'escasença d'explicar als mainatges que lo còrd umbilical es l'òrgan que jonh lo fètus a sa placenta dins lo ventre de la maire. Los vaissels sanguins (doas artèrias e una vena) provesisson de nutriments e d'oxigèn a l'embrion e puèi al fetus pendent la grossessa. Lo filme comença coma un electrocardiograma serà tanben una escasença d'explicar l'activitat electrica del còr. Lo muscle cardiac pompa de sang del còr a cada còp e aquela activitat pòt èsser mesurada e enregistrada per un electrocardiograma. Lo còr, coma totes los muscles, se contracta jos l'influéncia d'impulsions electricas, e l'electrocardiograma enregistra cada impulsion electrica. Per aquò far, l'electrocardiograma es connectat a d'electrodes plaçats sus las cavilhas, los ponhets e lo pitre.