Sausage

Un cort metratge fòrça divertit per parlar amb los mainatges de l'industrializacion de nòstres aliments. L'animacion retrò nos mena als jorns de l'industrializacion primitiva e del fast food. Perqué pas presentar als enfants l’evolucion de nòstres aliments dempuèi l’aparicion de l’agricultura a la naissença de las industrias agroalimentàrias, dels pesticidas quimics e dels additius alimentaris. Lo filme ofrís tanben una interpretacion fòrça amusanta de las originas del celèbre hot dog. Las salsissas existissián ja 1500 ans abans JC en Babilònia, mas sabiás que lo hot dog foguèt creat als Estats Units per un carnièr alemand qu'aguèt l'idèa d'utilizar de pan per manjar de salsissas caudas e evitar de se cremar las mans?