Kippik

Las castanhas decidiguèron de semblar a d'eriçons per se protegir? Un filme plan amusant per explicar la mimica als mainatges, aquela proprietat que cèrtas espècias animalas o vegetalas possedisson per se far semblar en aparéncia a una autra espècia o a l'environament a l'entorn. Los cases de mimica son comuns demest los animals mas mai rars demest las plantas e las plantas que, incapablas de se desplaçar, an desvolopat de proprietats estonantas. Per espandir de pollèn. las orquídias seduson los insèctes polinizaires mascles en fintant d'èsser de femèlas. Emeton tanben una perfusion identica a las feromonas sexualas d'insèctes femèls imitats. Perqué pas presentar la curiosa vinha sud-americana, Boquila trifoliolata, capabla de copiar l’aparéncia de las fuèlhas de diferentas plantas sus las qualas s’arrapa per tal de s’escapar a sos predators; sos gèns li permeton d'imitar mai de 10 menas de fuèlhas! Far una lista d'animals capables d'imitar lor environament? Los enfants son sovent familiarizats amb lo camaleon, capable d'armonizar sa color amb son environament, de se camuflar o de comunicar son estat d'esperit a sos companhs. Verd esmeralda, tot es plan; Roge o negre s'es en colèra o se sentís menaçat. Se las orquídias se desguisan d'insèctes, la mantis preganta, Hymenopus coronatus, se desguisa d'una orquídia per caçar sa preda e a una taca sus son abdomèn que sembla a una mosquita e rassegura los insèctes. De parpalhòls desguisats en fuèlhas? d'erugas en sèrps (Hemeroplanes triptolemus)?