Dins lo passat o un futur pròche, los eròis d'aquela istòria vivon sus una vila de tren que viatja constantament.
Aquò's un dels rars univèrs de sciéncia-ficcion distopic dins nòstra seleccion de filmes per d'enfants pichons.
L’escasença d’explicar als escolans l’utopia, una construccion imaginaria d’una societat ideala que los abitants serián liures e uroses, e sa distopia contraria, una construccion imaginaria d’una societat que los abitants serián ni liures ni urós.
Dins aquela frenesiá creissenta, lo vagabond sembla esparnhat e capita a fargar de fòrts ligams d'afeccion amb son can. Lo filme serà tanben una escasença per abordar lo tèma de la desaparicion de la natura dins los environaments urbans mas tanben la fòrça dels ligams que pòdon jónher l’òme e l’animal.
Lo cortmetratge “Vagabond” foguèt seleccionat al festenal Takorama 2020 organizat per l’associacion Films pour enfants.
Comprenètz l'istòria, lo tèma, exprimissètz vòstra sensibilitat e exercís vòstre pensament critic.
1Ont se debana lo filme?
Dins una vila amb fòrça gents, una vila sens arbres e sens cèl. Comprenèm a la fin del filme qu'aquela vila es dedins un tren gigant.
2Ont vivon lo personatge principal del filme e son can?
Vivon jos un pont. Aquò pòt vos far pensar a de personas sens abitacion. Notatz que lo títol del filme es Vagabond.
3Una campana sona a 1:15 del film; Perqué ? qué se passa?
La fola corre per s'abrigar perque la vila serà cobèrta d'un fum negre immens. Dio e Lope protegisson lors caras.
4Quin es l'eveniment a 2 min 25 s del film que farà capvirar la vida de l'òme e de son can?
Lo can es emportat amb un molon d'escombrarias dins un vagon.
5Qué fa Dio?
Dio va cercar son can mas la fola es tròp densa; tomba en retard; lo fum negre cobrís la vila de nòu e Dio pèrd de vista son can.
6Qué decidís de far?
Decidís de montar dins un vagon per trobar son can.
7Ont van los vagons?
Comprenèm, a 4 min 20 del film, que los vagons transpòrtan los residus de la vila cap a un centre d'incineracion. Lo fum negre es de segur lo resultat de la cremacion de las escombrarias.
8Lo vagon que pòrta lo can desbordarà lèu sos degalhs. Qué fa Dio?
Decidís d'arrestar la maquinariá : lo tren s'arrèsta subte.
9Qué descobrissèm alara (6 min 5 s)?
Descobrissèm que la vila es sus un tren gigant que travèrsa de païsatges naturals.
10Cossí progressa la vila? Amb quina energia?
Mercés a la cremacion dels residus de la vila.
11Quina es la fin del filme?
L'òme salva son can, sortís del tren e descobrís lo païsatge defòra. Sembla respirar d'aire pur pel primièr còp de sa vida e descobrís d'aucèls dins lo cèl.
12Qué pensatz d'aquela vila? I voldriás viure?
Question dobèrta/debat.
13Cossí explicatz que los umans vivon dins la vila del tren e pas defòra?
Question dobèrta/debat. Lo filme dona pas de responsa e los escolans ofriràn lor pròpria interpretacion.
14Perqué los òmes an tendéncia de mai en mai a s'amassar dins las grandas vilas e abandonar la campanha?
Question dobèrta/debat.
Creada amb lo sosten del Ministèri de l'Educacion Nacionala e del CNC.
Agachar lo filme amb la familha, activitats educativas amb los parents a l'ostal e amb los ensenhaires en classa.
