Lost and Found

"Lost and Found" es la declaracion animada d'amor de Jeff Scher a sos primièrs animators favorits. L'idèa un pauc pervèrsa del rotoscopatge li permetèt de tornar descobrir lo plaser de dessenhar, coma se dessenhava amb las mans dels grands mèstres dels començaments de l'animacion. Sa man e son esperit an aprés fòrça. Dins aquel tipe d'animacion, i a una jòia exhilaranta de saber que quin element que siá sus l'ecran pòt, literalament, prene vida e se jonher al caos general. A la diferéncia de la màger part dels longs metratges d'animacion actuals, que cèrcan de far credible lo fantastic, aquelas animacions celèbran al contrari la natura incredibla dels monds que dessenhan, donant naissença a una mena de surrealisme de vodevil. Aqueste filme es compausat de mai de 2 000 pinturas e dessenhs a l'aquarèla, dins un estil que Jeff Scher nomena "psicadelicròm", ont las colors varian d'un biais completament desfrenat.