Migrants

Un cort metratge, que poiriá pas èsser mai d'actualitat, sul rescalfament climatic mas tanben suls refugiats climatics. Las temperaturas pujan particularament amb las emissions de dioxid de carbòni liberadas dins l'atmosfèra, ligadas a la combustion del carbon, del petròli e del gas e la transformacion dels bòsques en pasturals. Fòrça scientifics creson que divèrses punts de pas retorn, coma los bacins subglacials de l’Antartida de l’Èst, son ja estats atenchs e que l’impacte del rescaufament climatic es tal que sas consequéncias per la vida sus Tèrra a escala globala son de segur irreversiblas. Los refugiats climatics (o refugiats ecologics) son de personas obligadas de daissar lor region d'origina a causa de las consequéncias del rescaufament climatic coma l'auça dels nivèls de la mar e la desertificacion. Segon lo Naut Comissariat de las Nacions Unidas pels Refugiats (UNHCR), l’emergéncia climatica constituís la crisi màger de nòstre temps e lo desplaçament de las populacions es una de las consequéncias mai devastairas, amb de populacions entièras que ne patisson ja las consequéncias. Amb 250 milions de refugiats climatics dins lo mond entièr, lo cambiament climatic crea mai de refugiats que de conflictes e de guèrras. Notatz que los movements de la populacion son pas dirèctament ligats al rescalfament global, mas als eveniments meteorologics e als desastres naturals ligats al rescalfament global, coma las mancas d'aiga.