Un cort metratge sus l'espleitacion dels òmes mas tanben l'espèr e la revòlta.
Lo cortmetratge “Monsieur COK” foguèt seleccionat al festenal Takorama 2020 organizat per l’associacion Films pour enfants.
Comprenètz l'istòria, lo tèma, exprimissètz vòstra sensibilitat e exercís vòstre pensament critic.
1Quina es la primièra scèna del filme?
Es un camp de batalha, de trinchetas e de fial d'espinas. Un soldat solitari, una bomba es a mand d'esclatar, lo filme comença.
2Qual es lo trabalh de Sénher Cok?
Es un fabricant de bombas, es lo director de l'usina.
3Qué prepausa Sénher Cok pendent sa conferéncia?
Prepausa de remplaçar los òmes per de robòts perque son usina fa pas pro de profièches.
4Quinas consequéncias a aquò pels obrièrs de l'usina?
Los obrièrs pèrdon lor emplec : son al caumatge.
5Dins lo filme, los obrièrs semblan totes parièrs. Sonque un d'eles sembla diferent, perqué?
Es lo sol a exprimir son malcontentament per la situacion. Aquel òme es lo soldat de la scèna d'introduccion del filme.
6Qual es lo sòmi de Sénher Cok?
Son sòmi es de venir lo mai poderós del mond. Vola dins lo cèl coma se al dessús de totes. Podèm far un ligam amb la scèna famosa ont Hynkel jòga amb lo glòbe dins lo long metratge The Dictator de Charlie Chaplin (1940).
7Qué fa Sénher Cok per far realitat son sòmi?
Manda los obrièrs a la guèrra.
8Descriu la scèna a 5:25.
Lo soldat dins la scèna d'inauguracion del filme arriba davant l'usina amb una bomba; a pas pus de cambas. Ausissèm lo meteis temporizator que dins la scèna d'introduccion del filme. La scèna d’introduccion del filme (just abans que la bomba esclate) se debana entre quand los obrièrs son mandats a la guèrra e quand lo soldat qu’a perdut sas cambas arriba davant l’usina. Podèm imaginar qu'es lo sol subrevivent.
9Qué decidís de far lo soldat?
Decidiguèt de se venjar. Sénher Cok tomba pendent una persecucion e descobrissèm qu'es tanben un robòt: se trenca; a d'engranatges al luòc de cervèls. Es alara immediatament remplaçat per un autre robòt Sénher Cok. Lo filme s'acaba amb l'explosion de la bomba, la venjança del soldat.
