Lo cortmetratge "The Tree" foguèt seleccionat pel festenal Takorama 2023 organizat per l'associacion Films pour enfants.
1-Los autors del filme son iranians. A quin periòde istoric poiriá far referéncia lo filme?
Lo filme fa referéncia a l'invasion iraquiana d'Iran en 1980.
La Guèrra Iran-Iraq (1980-1988) resultèt de las tensions frontalièras entre los dos païses, mas tanben de las paurs del govèrn iraquian de Saddam Hussein a prepaus de las repercussions de la revolucion islamica iraniana que portèt l'Ayatollah Khomeini al poder en 1979.
En efièch, Saddam Hussein temiá qu'aquela revolucion desrevelhèsse leis aspiracions revolucionàrias de la majoritat chiita de longa oprimida en Iraq. De mai, Iraq cerquèt de prene lo lideratge dins lo Golf Pèrsic en remplaçant Iran coma la poténcia dominanta de la region.
Los autors precisan que lo filme s’inspirèt d’avions de guèrra iraquians qu’atacavan de vilatges curds en Iran.
2-Qué vòl dire lo títol del filme Derakht?
arbres ancians en Iran vòl dire arbre en fārsī (persan), la lenga oficiala e majoritària d'Iran.
I a d'arbres fòrça ancians en Iran, dont de ciprès qu'an mai de 4000 ans.
3-Qué representan las telas blancas penjadas sus l'arbre?
Dins la cultura tradicionala d'Iran, cèrts arbres èran considerats coma sacrats e las gents fasián de vòts en ligant un drap a las brancas d'aqueles arbres.
4-Qué se passa al segond 40 del filme?
Una bomba peta, una femna es nafrada.
Aquò's una bomba perque vesèm de fum en fons.
Comprenèm que las primièras 40 segondas del film son los sovenirs d'enfança de la femna nafrada.
5-Qué se passa après?
Jos la forma de flashback, descobrissèm la reünion entre la femna e son futur marit e puèi lor maridatge.
6-Qu es la fruta roja a 1 min 45 s del film?
Aquò's una granada. Dins la cultura pèrsa, a causa de sa capacitat de germinar dins de sòls arids e de produire de fruchs amb de chuc abondós e ric, aquel fruch es un simbòl de santat e de joventut, mas tanben de fertilitat e de feminitat.
Dins la tradicion pèrsa, de granadas son botadas sus la jupa de la nòvia per li portar la sòrt e li assegurar una vida fructuosa.
7-Qué se passa après?
Lo marit va a la guèrra, l'auton e l'ivèrn arriban.
La guèrra s'apròcha, la femna es nafrada, l'arbre destruch; tornam a la nafra de la femna dempuèi lo començament del filme.
L'imatge de la femna nafrada a 3 minutas e 28 segondas del filme es la meteissa qu'aquela a 50 segondas.
8-Qual cresètz qu'es lo tèma del filme?
“L’autor del filme resumís son filme coma seguís: Una femna e un arbre, totes dos enrasigats dins la tèrra.»
Lo tèma del filme es la guèrra mas tanben l'estacament qu'avèm a nòstra tèrra, l'endrech ont sèm nascuts e ont vivèm.
Los umans, coma los arbres, son enrasigats dins lor tèrra, pòdon pas daissar lor tèrra, quitament en temps de guèrra.
Extensions e referéncias
1- Istòria
- La guèrra Iran-Iraq
La guèrra Iran-Iraq (1980-1988) daissèt un milion de mòrts (dont 500 000 civils) e entraïnèt una prigonda reestructuracion geopolitica de l' Orient Pròche e del Mejan .
Quinas son las causas e las consequéncias d'aquela guèrra?
2- Questionar lo mond
- Los arbres mai ancians del mond
Lo filme presenta un arbre fòrça ancian, probablament un ciprès en referéncia al ciprès Abarqu de 4 500 ans en Iran.
Coneissètz d'autres ancians arbres vius?
L'olivièr de Roquebrune-Cap-Martin en França (2 000 ans), lo Jomon Sugi de Yakushima al Japon, lo teus Llangernyw en País de Galas, la sequòia General Sherman en Califòrnia…
- Fèstas tradicionalas
Cada país, cada cultura a sas fèstas o eveniments tradicionals.
Partejatz vòstra cultura en descrivent una fèsta tradicionala que passatz amb vòstra familha.
Activitats pedagogicas prepausadas per Bruno Pellier, Christophe e Olivier Defaye.
