Un dessenh animat dròlle sus l'usatge excessiu del telefòn e son impacte sus la relacion entre doas sòrres. Per rire amb los enfants sus de situacions de la vida reala mas tanben far pensar als adultes a l'omnipreséncia de novèls mejans de comunicacion e a las molèstas causadas per l'usatge excessiu del telefòn.
Un banh “saturnian”. Una metafòra fòrça polida per la tristesa de la drolleta que sas lagremas inondan l'apartament.
Comprenètz l'istòria, lo tèma, exprimissètz vòstra sensibilitat e exercís vòstre pensament critic.
1Dins quinas circonstàncias se rescontran los dos personatges?
La pichòta sòrre ven visitar sa granda sòrre e a portat un present per l'escasença.
2Cossí evolucionan las expressions sus las caras dels dos personatges?
Per la sòrre pichona : jòia, suspresa, decepcion, espèr, decepcion, lassièra, tristesa, sentiment d'abandon, confòrt. Per la sòrre granda : suspresa, jòia, atencion, suspresa, plaser, escota e concentracion (sus una autra persona), suènh (devèrs la pichòta), suspresa.
3Quins esfòrces fa lo personatge per atraire l'atencion de sa sòrre granda?
Se desplaça divèrsas còps sus son camin en li presentant son present, en lo corrent après l'apartament.
4Ont se debana l'istòria? Es un luòc complèxe, amb d'obstacles?
Es un apartament pro pichon, amb sonque un sofà e una taula al centre.
5Qué vos pòrta a l'esperit lo moment de l'inondacion? Perqué la sòrre granda s'afoga pas?
Es coma se la sòrre pichòta èra abandonada e anava morir afogada (dins sas plors). Es pas que çò que la sòrre pichòta sentís, la mai granda o percep pas.
6A quin moment precís sabèm que los dos personatges se tornan trobar?
Quand la sòrre granda pren la man de la pichòta.
7Perqué, a la fin, la drolleta se bota dins los braces de sa sòrre? Perqué aquò suspren la sòrre granda?
Es rassegurada de poder enfin comunicar amb sa sòrre. L'emocion de se sentir sola a costat d'ela èra talament fòrta qu'exprimiguèt fòrtament son soslèu. La granda sòrre es suspresa perque s'èra pas remarcada que la pichòta èra tan tocada.
8Quins objèctes, autres que lo telefòn, poirián tanben produire aquela mena de situacion?
Television, ordinator, tauleta e d'autres jòcs interactius que produson de senhals per captar l'atencion.
Creada amb lo sosten del Ministèri de l'Educacion Nacionala e del CNC.
Agachar lo filme amb la familha, activitats educativas amb los parents a l'ostal e amb los ensenhaires en classa.
