Cloudy

Dour en e holl stadoù. Un tamm meteorologiezh gant bugale kelc'h 1 ar skol kentañ derez ? Ur film plijus evit skoazellañ studi an anadennoù aergelc'hiek evel ar c'houmoul hag ar glaveier. Petra eo ur goumoulenn ? Perak e ra glav? Gant tommder an Heol e vezan aezhennet, e pignan en aergelc'h ha goude-se e vezan stanket e takennoù bihan. Re vras, e kouezhan en-dro war an Douar. Piv on-me ? Aozerion ar film berr a bed ac'hanoc'h da ganañ ha da zañsal en ur heuliañ troioù-kaer hon harozed Koumoul ha Takennoù-glav. Ar vugale, gant o fenn er c’houmoul, ne skuizint morse o selaou sonerezh fromus-kenañ ar film. Ur skouer vat eus ar bersoneladur, ur skeudenn a dalvez da lakaat perzhioù mab-den d'ul loen pe d'un dra divuhez. Perak ne c'houlennit ket digant ar vugale dibab un dra bennak, un anadenn naturel pe c'hoazh ur santimant ha goude-se o bersonelaat. “Kounnaret e oa ar mistral ha tarzhadennoù e vouezh kreñv a zalc’has ac’hanon dihun betek ar mintin.» Alphonse Daudet , Lizhiri eus ma milin (1869) “An enkrez, aradennad mut, a droas he gwiad er skeudoù. » Gustave Flaubert, Madame Bovary (1857)